Përgjigje masive punëtore – popullore ndaj ligjit të ri monster të qeverisë SYRIZA-ANEL

Mijëra punëtorë në Athinë dhe në qytete të tjera të Greqisë iu përgjigjën thirrjes së PAME-s (Frontit Militant Mbarpunëtor) dhe demonstruan kundër projekt-ligjit të ri të papranueshëm antipopullor që qeveria e SYRIZA-ANEL solli për votim në Parlament ditet e Shtunë dhe të Diel 21 – 22 Maj.

Ligji-monster parashikon breshëri rritjesh në TVSH (nga 23% në 24%) dhe karburant, imponon taksa të reja indirekte, çon në maksimum taksat ndaj bujqëve, rrit taksat për shtëpitë, krijon një super-fond të ri për privatizime duke përgatitur dorëzimin e transportit dhe pothuajse të gjithë infrastrukturës dhe pronën publike te kapitali. Po hap rrugën për sekuestrime të shtëpive të familjeve popullore. Krijon një mekanizëm automatik për ndërprerje kredish dhe me një mënyrë automatike do të shkurtojë pagat, pensionet, ndihmat sociale dhe shpenzimet nëse nuk do të kapen objektivat fiskale të buxheteve shtetërore dhe memorandumeve. 

Gjithashtu parashikon masa të favorshme për kapital dhe aneksime të reja provokative për të.  Pra, me këtë mënyrë nga "prerja" përjashtohen fondet që i drejtohen bizneseve, dhe njëkohësisht vendos përjashtime tatimore për industrialistët.

Në thelb bëhet fjalë për një memorandum të ri, të katërtin, prej 7.500 faqesh, të cilin "qeveria e majtë" u përpoq ta miratonte në fshehtësi, me procedurë urgjente gjatë dyditshit e Shtunë- e Diel. Nuk është aspak e rastësishme që SEV-i (Shoqata e Industrialistëve Grekë) mirëpriti dhe e përshëndeti këtë projekt-ligjin, ndërsa punëtorët demonstronin kundër.

Reagimi popullor ishte i menjëhershëm me shpallje greve 48-orëshe të punonjësve të transportit publik dhe tubime të PAME-s (Frontit Militant Mbarpunëtor) në të gjithë Greqinë. Në Athinës tubimi qëndror u bë ditën e Diel 22/5 në pasdite gjatë orës që votohej projekt-ligji në Parlament.

Sekretari i Përgjithshëm i KQ të Partisë Komuniste të Greqisë (KKE) Dhimitri Kucuba duke folur për shtypin nga tubimi i PAME-s tha: "Atë që do të doja të dërgojmë si një mesazh në këto momente, si KKE, nga këtu, nga Sheshi Sintagma përpara Parlamentit, sëbashku me punëtorë që protestojnë është se populli grek nuk duhet të presi asgjë nga procedurat e ndryshme parlamentare, nga ky Parlament këtu, por duhet të organizojë këtu dhe tani luftën e tij edhe më të fuqishëme, të organizojnë aleancën e tij popullore dhe të luftojë gjer sa të përmbysen në përgjithësi këto politika antipopullore".