Greva 24-orëshe mbarëkombëtare - një përgjigje kundër shtrenjtësisë dhe përfshirjes ushtarake:Një hap i rëndësishëm në përshkallëzimin e luftës së lëvizjes punëtore, popullore

pri 7, 2022

Duke iu përgjigjur thirrjes së sindikatave klasore që bashkohen në linjat e Frontit Militant Mbar-punëtorë (PAME), organizatave të së vetëpunësuarve, grave dhe të rinjve, dhjetëra mijëra popull protestuan ditën e mërkurë 6/4/2022 në Athinë, Selanik, Patra dhe qytete të tjera të Greqisë.

Si në mitingun e grevës në Athinë, i cili "përmbyti" sheshin Sintagma jashtë parlamentit grek, ashtu dhe në protestat e tjera të grevës në pjesën tjetër të vendit, u ngritën kërkesa kundër shtrenjtësisë, për nënshkrim të marrëveshjeve kolektive të punës, për rritjen e pagave dhe kundër përfshirjes së Greqisë në luftën imperialiste. Vende të mëdha pune, industri të rëndësishme si transporti publik dhe transporti mallrave ndaluan punimet. Duke anuluar në praktikë ligjin-shëmtirë të kohëve të fundit të qeverisë së ND, i cili i vendos pengesa shtesë kundër të drejtës për grevë, duke pasuruar një ligj të ngjashëm të miratuar nga qeveria e mëparshme e SYRIZA-s.

Nga podiumi i mitingut të grevës në Athinë, sekretari i përgjithshëm i Federatës së Ndërtuesve V. Sirigos, shprehu vullnetin për të vazhduar dhe përshkallëzuar luftën për një jetë dinjitoze, duke theksuar në fjalimin e tij: «Dita e 1 Majit që vjen është shumë e rëndësishme, sepse populli ynë provohet në mes të një lufte të re imperialiste dhe paguan shtrenjtë fitimet e grupeve të biznesit. Por ne nuk zgjedhim një bandë hajdutësh. Ne jemi me popujt, kundër varfërisë, luftës, emigrimit dhe shfrytëzimit».

Nga i njëjti podium, nënkryetari i Federatës së Shoqatave të Artizanatit të Atikës, Dh. Vitalis, ndër të tjera theksoi: «Ne jemi këtu bashkë me punonjësit për të mbrojtur të ardhurat e popullit. Ne pretendojmë të vetëkuptueshmen. Të mundemi të punojmë në dyqanet tona, për të jetuar familjet tona me dinjitet (...) Lufta që bëjmë nuk është vetëm lufta jonë, ne nuk luftojmë vetëm për veten tonë. Kërkesat tona kanë të bëjnë me të gjithë popullin».

Ndërkohë, Vasilis Papageorgiu, anëtar i kryesisë së Federatës së Punëtorëve në kompanitë e prodhimit të Qumështit - Pijeve - Ushqimit, shprehu kërkesën që të merren masa tani dhe menjëherë për të mbrojtur të ardhurat kundër shtrenjtësisë e cila shteron pagat që në dhjetëditëshin e parë të muajit.

Athens

Thessaloniki

Athens

Thessaloniki

Dhimitris Kucubas: Hap i rëndësishëm në përshkallëzimin e luftës së lëvizjes punëtore, popullore

Sekretari i Përgjithshëm i Komitetit Qendror të Partisë Komuniste të Greqisë (KKE), Dhimitris Kucubas, u gjend në mitingun e grevës në Athinë në sheshin Sintagma para Parlamentit Grek dhe deklaroi për mediat: «Greva e sotme kombëtare përbën një hap i rëndësishëm për përshkallëzimin e luftës së lëvizjes punëtore - popullore me fronte të mëdha kundër shtrenjtësisë, për mbrojtjen e të ardhurave të popullit, për Marrëveshje Kolektive të Punës, me front për rritje të pagave dhe padyshim front kundër luftës imperialiste dhe pjesëmarrjes së Greqisë në të. Kjo mund të bëhet një hap i mëtejshëm në forcimin e veprimit të përbashkët të punëtorëve, punonjësve të sektorit privat dhe publik, por edhe për profesionistët e vetëpunësuar, për shkencëtarët, bujqit, studentët, për gratë e familjeve popullore. Vazhdojmë në mënyrë dinamike».

Sulm i policisë kundër demonstratës në Selanik

Duhet theksuar se pas pushtimit të papranueshëm rus të Ukrainës, forcat e Partisë Komuniste të Greqisë (KKE) dhe Rinisë Komuniste të Greqisë (KNE) po prijnë në kryerjen e lëvizjeve të rëndësishme antiimperialiste në porte dhe qytete, në prani të bazave ushtarake të SHBA - NATO dhe kalimit të forcave të NATO-s nga Greqia, në përgjithësi kundër luftërave imperialiste dhe në pjesëmarrjen e Greqisë në të. Të tilla ishin lëvizjet e fundit që u zhvilluan në qytetin e Pireut, të Aleksandrupolis, Larisas dhe në bazën ushtarake të Sudës në ishullin e Kretës e gjetkë.

Më 6 prill, mitingu masive i grevës në qytetin e Selanikut, i cili dënoi përfshirjen e Greqisë në luftën imperialiste, u shndërrua në një marshim drejt portit të këtij qyteti, pasi kishte bërë një "ndalesë" në konsullatën e SHBA-ve dhe zyrave të Lidhjes së Industrialistëve Grekë (SEV) në këtë qytet. Me mbërritjen e demonstratës në Port u dëgjua fort slogani i tyre «Selaniku është port i popujve, jo bastion i imperialistëve».

Mitingu në port mori një sulm të paprovokuar dhe të dhunshëm nga forcat e represionit dhe pasoi me arrestime të pajustifikuar të 8 protestuesve, mes tyre dhe dy anëtarëve të Komitetit Qendror të KKE, me plagosjen e rëndë të njërit prej tyre, i cili ndodhet i shtruar në spital, por edhe të një anëtari të Këshillit Qendror të Rinisë Komuniste të Greqisë (KNE).

In the photo Efthimis Dimakis, member of the CC of the KKE, is in the hospital, injured, in a wheelchair and handcuffed!

Pas këtyre zhvillimeve, sindikatat realizuan protesta të reja në Athinë dhe Selanik kundër represionit dhe kërkuan lirimin e protestuesve të arrestuar. Në protestat jashtë Ministrisë së Mbrojtjes së Qytetarit mori pjesë delegacion i KKE, me anëtarë të Byrosë Politike, të KQ dhe deputetë të Partisë.

«Ne nuk do të tërhiqemi. Ne nuk do të pranojmë klimën e terrorizmit», bëjnë të qartë sindikatat.

Në mëngjesin e 7 Prillit, nën presionin e lëvizjes punëtore popullore, 8 militantët e arrestuar u lanë të lirë dhe prokurori caktoi gjykimin e rregullt të tyre në datën 15 Qershor. Të 8-ët akuzohen për mosbindje, lirim të burgosurve, dëmtim të pronës së huaj dhe dhunë ndaj zyrtarëve. Akuzat provokuese që u akuzuan dje si, për shkelje të ligjit për armëmbajtje dhe ligjit për fishekzjarre, si dhe për përdorimin e armëve, janë tërhequr në mëngjesin e sotëm pasi ishin ngritur në mënyrë flagrante.

7.4.2022