Njoftim për shtyp:T'i jepet fund poshtërisë antikomuniste dhe antidemokratike në Ukrainë dhe Rusi

mar 11, 2025

Protestë me piketa në Ambasadën e Ukrainës në Athinë u realizuan ditën e Martë, 11 Mars nga Rinia Komuniste e Greqisë (KNE), ndërsa një delegacion i Partisë Komuniste të Greqisë (KKE) dhe i KNE ngjitën te dera e ambasadës letër proteste të KKE.

Me këtë protestë, KKE dhe KNE dënuan përndjekjen, arrestimin dhe torturimin e gjatë politik të Mikhail dhe Alexander Kononovich, kuadër të Rinisë Komuniste të Ukrainës (Komsomol).

Ata denoncuan se ky persekutim po kryhet me akuza të rreme e të sajuara dhe është i papranueshëm, siç është synimi i autoriteteve ukrainase për të shtuar akuza të reja ndaj tyre dhe për t'i dërguar ata në frontin e luftës imperialiste, me qëllim që ata të gjejnë vdekjen.

KKE dhe KNE kërkojnë heqjen e menjëhershme të së gjitha përndjekjeve penale ndaj vëllezërve Kononovich dhe lirimin e tyre, ndërsa theksojnë se autoritetet ukrainase kanë përgjegjësinë e vetme për sigurinë e jetës së tyre.

Ata kërkuan gjithashtu heqjen e të gjitha ligjeve antikomuniste si dhe ligjeve të tjera antidemokratike që pengojnë shprehjen e lirë dhe të papenguar të vullnetit të vërtetë të popullit të Ukrainës, i cili po përjeton pasojat tragjike të luftës imperialiste.

Ata ngritën edhe një herë natyrën e papranueshme të propagandës së vazhdueshme anti-sovjetike për "Golodomor-in", si dhe njohjen që i bëhet bashkëpunëtorëve ukrainas të nazistëve, si Bandera ose burrave të "Divizionit të 14-të të Galicisë (Ukrainase) Waffen SS" si "heronj" e "patriotë", por edhe për vendime të tjera të ngjashme që kanë synim rishkrimin e historisë dhe në pafajësinë e nazistëve.

Letër proteste edhe për Ambasadën e Federatës Ruse në Athinë

Në të njëjtën kohë, Partia Komuniste e Greqisë (KKE) i dërgoi edhe një letër proteste ambasadës ruse me të cilën dënon përndjekjen e gjatë politike, arrestimin dhe burgimin 5-vjeçar të sociologut marksist Boris Kagarlitsky.

Në letrën e saj, KKE vëren se ky persekutim politik i papranueshëm është kryer me akuza të rreme dhe të sajuara dhe rrezikon vetë jetën e Boris Kagarlitsky-t.

KKE kërkon me këmbëngulje heqjen e menjëhershme të së gjitha ndjekjeve penale kundër Boris Kagarlitsky dhe lirimin e tij, ndërsa theksoi se autoritetet e Federatës Ruse kanë përgjegjësinë e vetme për sigurinë e jetës së tij.

KKE bëri thirrje gjithashtu për heqjen e të gjitha ligjeve antidemokratike që pengojnë shprehjen e lirë dhe të papenguar të vullnetit të vërtetë të popullit të Federatës Ruse, i cili po përjeton gjithashtu pasojat tragjike të luftës imperialiste.

Së fundi, në këtë letër përshkruhen si të papranueshme propagandën e vazhdueshme anti-sovjetike kundër bolshevikëve dhe V.I. Lenini - udhëheqësit të Revolucionit të Tetorit dhe madje edhe nga goja e Presidentit të vendit.

Ndër të tjera, kritikohet ashpër përpjekja e fundit (Shkurt 2025) në një gjykatë në qytetin rus të Yekaterinburgut nga një ekspert shtetëror për ta paraqitur veprën themelore dhe emblematike të Leninit «Shteti dhe Revolucioni» si një "manual i terroristëve", me qëllim që të dënohen si "terroristë" anëtarët e një «Grupi Marksist» të cilët janë paraburgim.

Po aq i neveritshëm është vendimi për të hapur një shkollë me emrin e filozofit fashist rus Ivan Ilyin në një universitet qendror në Moskë, i cili kishte përshëndetur regjimin e Gjermanisë naziste, në emër të "fitores mbi bolshevizmin".

Si në letrën drejtuar ambasadës ukrainase ashtu dhe në atë ndaj ambasadës ruse theksohet se, veprime të tilla janë të papranueshme dhe provokuese ndaj popujve, siç është populli grek, i cili derdhi gjakun e tij në luftë kundër përbindëshit fashist, që lindi kapitalizmi dhe që këtë vit përkujtojmë 80-vjetorin e shpartallimit të tij nga lëvizja heroike e Ushtrisë së Kuqe me në krye komunistët.

11.03.2025