Në Kretë, të cilën klasa borgjeze greke dhe imperialistët e SHBA - NATO - BE e kanë shndërruar në një bazë ushtarake për gjakderdhjen e popujve, u zhvillua nga Këshilli Botëror i Paqes (K.B.P) dhe Komiteti Grek për Recesionin dhe Paqen Ndërkombëtare (EEDYE) Konferenca e lëvizjeve të paqes të Lindjes së Mesme, me pjesëmarrjen e përfaqësuesve të organizatave nga Qipro, Egjipti, Siria, Palestina, Izraeli, Tunizia, Libani dhe Irani, të cilët mbërritën në këtë konferencë duke kapërcyer pengesa ekonomike, politike etj.
Vetë realizimi i Konferencës i dha një hov të ri aktivitetit kundër disfatizmit dhe integrimit që kultivojnë shtabet e kapitalit me synim që popujt të pranojnë pa protestë që fëmijët e tyre të bëhen "mish" për topat e imperialistëve...
Për më tepër, diskutimi ndriçoi nevojën që popujt të koordinohen kundër ndarjeve false (fetare, racore etj.) që u imponohen, të ndriçohet karakteri i zhvillimeve dhe të ndriçohet fakti se paqja e vërtetë nuk do të vijë nga luftërat që zhvillohen në interes të monopoleve.
Duke uruar mirëseardhjen pjesëmarrësve në ambientet e Konferencës, Manolis Papadhomanolakis, President i Komitetit të Paqes të qytetit Hania, vuri në dukje se populli mund t'u hapë punë kundërshtarëve të tij «duke bërë realitet sloganin "Asnjë sakrificë për luftërat dhe fitimet e kapitalistëve"». Ai shtoi se Konferenca synon të përbëjë një «pikënisje për shkëmbimin dhe përvetësimin e përvojës, diskutimin për fuqizimin e lëvizjeve anti-imperialiste, me qëllim që të kontribuojnë në organizimin e luftës nga pozita më të mira, veçanërisht në kushtet e sotme ku ne si popuj përballemi me agresivitetin imperialist në të gjitha aspektet e jetës sonë».
Në fjalën e tij të mirëseardhjes, Thanasis Pafilis, Sekretar i Përgjithshëm i K.B.P-së, nënvizoi se «në një botë ku dominon sistemi ndërkombëtar imperialist, me luftërat e imperialistëve për kontrollin e burimeve të Energjisë dhe pasurisë, të tregjeve dhe sferave të ndikimit, në një botë ku fitimet e kompanive shumëkombëshe dhe të kapitalit të madh përcaktojnë fatet e popujve», për lëvizjen botërore anti-imperialiste paqedashëse dhe për popujt, zgjedhja është «përmes lëvizjes së organizuar të paqes, lëvizjes punëtore dhe popullore në çdo shtet, të koordinojnë hapat dhe luftërat e tyre përballë armiqve të ëndrrave dhe të drejtave të popujve».
Në Konferencë morën pjesë Manolis Sindihakis, anëtar i Komitetit të Rrethit të Kretës të Partisë Komuniste të Greqisë (KKE) dhe deputet i qytetit Iraklio, si dhe Alekos Marinakis, anëtar i Zyrës së Rrethit të Kretës të KKE dhe këshilltar rajonal i Kretës me «Laiki Sispirosi», si dhe këshilltarë të tjerë bashkiak të bashkive të Kretës, të zgjedhur me listat e «Laiki Sispirosi».
