Një marshim militant solidariteti me popullin heroik Kuban u zhvillua pasditen e 23 Majit pas thirrjes së Organizatave të Partisë Komuniste të Greqisë (KKE) dhe Rinisë Komuniste të Greqisë (KNE) në Athinë, ku protestuesit dërguan mesazhin: «Larg duart nga Kuba! Të mos guxojnë imperialistët amerikanë të sulmojnë Ishullin e Revolucionit!».
Populli i Athinës shprehu me fuqi solidaritetin e tij me popullin luftëtar kuban, kundër planeve amerikane dhe bllokadës së tyre kriminale.
Përpara ambasadës së SHBA u hap një banderolë e madhe me sloganin «Larg duart nga Kuba - Solidaritet me popullin Kuban (Hands off Cuba - Solidarity with the Cuban people)», ku protestuesit konfirmuan vendosmërinë e tyre për të qenë në krah të popullit të Kubës.
Protestuesit dënuan gjithashtu NATO-n dhe BE-në për kontributin dhe mbështetjen e tyre në bllokadë dhe në planet amerikane, si dhe qeverinë greke, e cila mbetet "goj-qepur" për ato që po ndodhin tashmë dhe për ato që po përgatiten kundër popullit kuban.
Pak më herët ishte zhvilluar një tubim në sheshin Eleftherias, ku Thodhori Hionis, anëtar i Byrosë Politike të Komitetit Qendror dhe Sekretar i Komitetit Rajonal të KKE në Atikë, bëri thirrje për gatishmëri në ditët në vijim përballë zhvillimeve që mund të pasojnë, dhe theksoi:
«Vazhdojmë luftën dhe kërkojmë:
- Të hiqen të gjitha masat e bllokadës së shfarosjes ekonomike të SHBA kundër Kubës. Lëreni Kubën të marrë frymë!
- Të ndalojë çdo lloj përndjekjeje ndaj Raul Kastros dhe udhëheqjes së Kubës.
- Të fshihet Kuba nga lista e turpshme e “shteteve sponsorizuese të terrorizmit” që ka krijuar Ministria e Jashtme e SHBA për të vendosur asfiksi ekonomike në ishullin e revolucionit.
- Kërkojmë që qeveria greke të mbajë qëndrim dënues ndaj agresivitetit kundër Kubës!»
Gjithashtu, duhet shënuar se KKE po përgatit një tubim - koncerti të madh më 15 Qershor në Athinë për të nderuar 100-vjetorin e lindjes së udhëheqësit të madh të Revolucionit Kuban, Fidel Kastro Ruz.
