Mesazhin «Jashtë NATO, të mbyllen bazat - asnjë pjesëmarrje në ndërhyrje!», u dërgua nga një turmë e madhe njerëzish që morën pjesë në tubimin anti-imperialist të mbajtur më 8 Mars në Nikozia, jashtë Ambasadës Greke dhe në marshimin që pasoi drejt ambasadës amerikane.
Në tubim folën Petros Markomihalis, sekretar i Organizatës Sektoriale të Partisë Komuniste të Greqisë (KKE) në Qipro, dhe Hristo Kurtellaris, Sekretar Ekzekutiv i Iniciativës Komuniste të Qipros.
Petros Markomihalis vuri në dukje ndër të tjera në fjalën e tij: «Qiproja është bërë objektiv i hakmarrjes sepse, përmes bazave Britanike, luan një rol të rëndësishëm në konfliktet ushtarake në Lindjen e Mesme, është plotësisht e integruar në planifikimin dhe synimet e SHBA dhe NATO në rajon. Planifikim që ka si qëllim një pozitë më të mirë për SHBA në konfrontimin me kundërshtarin e saj kryesor, Kinën, për primatin në sistemin imperialist».
Protesta e KKE dhe e Iniciativës Komuniste të Qipros vazhdoi me marshim drejt ambasadës amerikane, me popullin që shpall me zë të lartë kudo se «rrugëdalje nga lufta do të japë populli - imperializmi nuk është i pamposhtur!».
