Ditën e shtunë, më 13/2, sindikatat e Atikës, organizatat masive të lëvizjes popullore dhe shoqatat studentore mirëpritën në Athinë fermerët e varfër dhe blegtorët nga e gjithë Greqia, të cilët po luftojnë për mbijetesën e tyre, kundër politikës së qeverisë dhe Politikës së Përbashkët Bujqësore (PPB) të BE-së.
Kishte paraprirë demonstrata e madhe e punëtorëve kundër projektligjit - gijotinë për Marrëveshjet Kolektive jashtë ndërtesës së parlamentit grek. Mijëra punëtorë morën pjesë në ndalimin për disa orë të punës, i cili ishte shpallur nga Qendrat Punëtore të qyteteve Athinë dhe Pireα, dhe morën pjesë në demonstratën e madh në sheshin Sintagma, ndërkohë që brenda Parlamentit qeveria po miratonte një ligj të mjerë, për të cilin kishte rënë dakord me sindikalistët e partive borgjeze (ND - PASOK - SYRIZA) dhe industrialistët për të vendosur kufizime në nënshkrimin e marrëveshjeve kolektive të punës, në bazë të "forcës" së konkurrueshmërisë së sipërmarrësve.
President i Federatës së Ndërtuesve të Greqisë, Jani Tasiulas, duke folur para demonstruesve, vuri në dukje se «Projektligji për marrëveshjet kolektive të punës, është një përpjekje e azhurnuar e qeverisë, e punëdhënësve të mëdhenj dhe e shumicës së degjeneruar të Konfederatës së Përgjithshme të Punëtorëve të Greqisë (GSEE) për t'i dhënë një goditje përmbajtjes dhe kërkesave të punëtorëve» dhe bëri thirrje për forcimin e luftës.
Në një deklaratë për gazetarët nga tubimi i sindikatave në sheshin Sintagma për Marrëveshjet Kolektive të Punës, Sekretari i Përgjithshëm i KQ të Partisë Komuniste të Greqisë (KKE), Dhimitri Kucubas, tha: «Punëtorët e vendit tonë e kanë hedhur poshtë tashmë projektligjin për Marrëveshjet Kolektive të Punës».
Brenda parlamentit, deputetët e KKE, të cilët votuan kundër projektligjit, më parë kishin zbuluar rolin e tij, duke denoncuar se synon të përjetësojë masat anti-punëtore, duke përforcuar logjikën e "korporatës sociale", domethënë nënshtrimin e punëtorëve ndaj nevojave të fitimit kapitalist, duke theksuar se, bazuar në atë që parashikon projektligji, «e drejta e punëtorit për një pagë më të mirë duhet të miratohet nga kufijtë e fitimit të kompanive». Në të njëjtën kohë, me ligjin e ri, qeveria do të vazhdojë të përcaktojë vetë pagën minimale, ndërsa forcohen kufizimet për ngritjen e rrogave sepse ato do të varen nga inflacion dhe kufijtë e fitimit. Kështu, në thelb, u thuhet punëtorëve se nuk mund të kërkojnë diçka që "prish" fitimet e kapitalit. Deputetët e KKE theksuan se të gjitha këto janë udhëzime të BE-së, ashtu si edhe udhëzimet për investime të shpejta, me kontrolle të kufizuara të shëndetit dhe sigurisë në vendin e punës. Ata denoncuan rolin e ndyrë të socialdemokracisë, veçanërisht në sindikata, të cilat ranë dakord me qeverinë e djathtë. Ata gjithashtu theksuan se kjo luftë duhet t'i drejtojë shigjetat e saj kundër armikut të vërtetë, i cili nuk është askush tjetër veç se vetë sistemi i shfrytëzimit dhe padrejtësisë, dhe u bënë thirrje punëtorëve dhe shtresave të tjera popullore të bashkojnë forcat me KKE, të forcojnë luftën klasore, për të hedhur poshtë iluzionet për zgjidhje gjoja pro-popullore dhe për të luftuar për një shoqëri ku punëtorët do të jenë pronarët e vërtetë të pasurisë që prodhojnë.
