Pas protestave që u zhvilluan që nga momenti i parë i ndërhyrjes imperialiste në Venezuelë, anëtarë dhe miq të Rinisë Komuniste të Greqisë (KNE) nga universitetet e Athinës, u mblodhën pasditen e së enjtes në Universitetin Ekonomik në një aktivitet të madhe solidariteti me popullin e Venezuelës dhe në përgjithësi me luftën e popujve.
Në fillim të aktivitetit, anëtarët e KNE me piketa formuan në amfiteatrin e mbushur plot, sloganin «Solidaritet me popullin e Venezuelës», duke thirrur parulla përkatëse solidariteti me luftën e popujve.
Në këtë aktivitet u gjend edhe Themi Gjonis, anëtar i BP të KQ të Partisë Komuniste të Greqisë (KKE).
Folësi kryesor ishte Ari Evangjelidhis, anëtar i Departamentit të Marrëdhënieve Ndërkombëtare të KQ të KKE, i cili, duke sqaruar në hyrje se «qëllimi i vërtetë i ndërhyrjes imperialiste amerikane është të sekuestrojë pasurinë energjetike të vendit dhe ta përshtasë rajonin me interesat e tyre ekonomike dhe gjeopolitike, kundër antagonistëve të tyre, Rusisë dhe Kinës, të cilët promovojnë interesat dhe aspiratat e tyre në rajon», tregoi se si «në Venezuelë dhe më gjerësisht në Amerikën Latine, shprehet antagonizmi imperialist për kontrollin e pasurisë minerale, burimeve energjetike, tokave të pasura, burimeve ujore, rrugëve të transportit të Energjisë dhe mallrave, sigurimin e mbështetjeve gjeopolitike dhe pjesëve të tregut».
Ari Evangjelidhis bëri një prezantim të detajuar të burimeve prodhuese të pasurisë së Venezuelës dhe zhvillimeve politike në këtë vend në dekadat e fundit, si dhe qëndrimin e qeverisë greke, e cila edhe këtë herë herë, edhe për këtë çështje, qëndron në anën e gabuar të Historisë.
A janë fuqitë imperialiste të plotfuqishme, të pamposhtura? A është e drejta ndërkombëtare një rreckë apo ajo mund të parandalojë luftërat lokale dhe më të përgjithshme? Cila është çështja kryesore në Iran dhe çfarë detyrash i ngarkohen popullit të tij? Pyetjet pas fjalimit kryesor treguan interesin që ekziston tek të rinjtë për çështjet ndërkombëtare dhe ngritën çështje thelbësore dhe jo thjesht për t'u përgjigjur.
A. Evangjelidhis foli për formimin e së drejtës ndërkombëtare pas Luftës së Dytë Botërore me një korrelacion të ndryshëm ndërkombëtar të forcave dhe se si kjo u bë një llastik pas vitit 1991, madje duke arritur në pikën e ndërhyrjeve imperialiste me vulën e OKB-së ose, përkatësisht, foli për vendime në favor të Kubës dhe Palestinës, por nuk ka asnjë organ për t'i imponuar ato. Kështu, e drejta ndërkombëtare sot po instrumentalizohet dhe nuk mund të jetë përgjigjja dhe garancia për popujt.
Më pas ai iu referua shkurtimisht zhvillimeve në Iran dhe qëndrimeve të KKE.
Ndërsa theksoi rëndësinë e forcimit të Partive Komuniste në të gjitha vendet, por edhe këtu në vendin tonë për të ndriçuar rëndësinë e forcimit të përvojës së luftërave tona, për të ndriçuar mundësinë e një rrugëdaljeje.
