Sukses i ri dhe i rëndësishëm i forcave klasore në Athinë

Të dielën, më 15 shkurt, përfunduan zgjedhjet dy-ditore për zgjedhjen e kryesisë së Qendrës Punëtore të Athinës (EKA), të cilat u mbajtën në kuadër të kongresit të saj të 33-të.

Duhet theksuar se EKA është Qendra Punëtore më e madhe e Greqisë, e cila bashkon 416 Sindikata të nivelit të parë, në të cilat janë të regjistruar afërsisht 300 mijë punëtorë që punojnë në sektorin privat në zonën më të gjerë të Athinës.

Siç dihet, zgjedhjet për administratën e sindikatave në Greqi mbahen në bazë të fletëvotimeve të ndryshme, të cilat shprehin edhe qasjet e ndryshme politike dhe sindikale të anëtarëve të tyre.

Sindikalistët komunistë, së bashku me sindikalistë të tjerë militantë që janë të lidhur dhe mbështesin përpjekjet e Frontit Militant Mbar-punëtorë (PAME), formuan, siç kanë bërë vitet e fundit, fletëvotimin e tyre me emrin «Bashkëpunimi Militant Demokratik» (DAS).

Bazuar në rezultatet e zgjedhjeve, DAS doli si forca e 1-rë dhe mori 33.24% (nga 31.39% në vitin 2023), duke marrë 459 vota delegatësh (nga 371 në vitin 2023), duke shënuar rritje të ndjeshme në përqindje dhe vota dhe duke zgjedhur 11 anëtarë në kryesinë e re prej 31 anëtarësh të kësaj qendre punëtore (nga 9 që kishte në periudhën e mëparshme).

Vendin e 2-të e zuri PASKE (e partisë socialdemokrate PASOK), e cila mori 218 vota (15.79% dhe 5 vende) dhe “METOPO” (e partisë socialdemokrate SYRIZA), me 192 vota (13.9% dhe 5 vende), ndërsa partia në pushtet, ND, me fletën e votimit “ENOTITA”, mori 170 vota (12.3% dhe 4 vende). Dy fletëvotime të tjera që janë gjithashtu të afërta me PASOK-un dhe ND-në, por që garuan veçmas, morën 10.28% dhe 9.43% të votave, dhe nga 3 vende. Së fundmi, pati 4 fletëvotime të partive të ndryshme oportuniste "të majta", të cilat megjithatë nuk mblodhën një numër të konsiderueshëm votash dhe nuk zgjodhën vende në kryesinë e re të Qendrës Punëtore të Athinës.

Ky rezultat në qendrën punëtore më të madhe të Greqisë është një hap i rëndësishëm për të gjithë punëtorët, për të forcuar luftën e atyre që luftojnë çdo ditë për jetën dhe dinjitetin e tyre.

Me forcimin e DAS, hapet rruga për sindikata më të forta në vendet e punës, për procese kolektive të gjalla, për një luftë të qëndrueshme kundër qeverisë dhe grupeve të biznesit dhe një orientim kundër politikës së shfrytëzimit, varfërisë dhe luftës, dhe do të synojë kundërsulm.

Rezultati është gjithashtu një përgjigje ndaj linjës së partneritetit social, linjës së nënshtrimit dhe integrimit, kundër kalbëzimit të sindikatave pro-punëdhënësve dhe qeveritare të partive ND – PASOK – SYRIZA, të cilat kanë mbështetur të gjitha ligjet anti-punëtore, duke kulmuar me "marrëveshjen sociale" të turpshme që minon Marrëveshjet Kolektive të Punës.

Tani është ora që kërkesat dhe interesat e vërteta të punëtorëve të dalin në pah. Të forcohet lufta për rritjen e pagave dhe uljen e orarit të punës, për nënshkrimin e Marrëveshjeve Kolektive të Punës, për masat mbrojtëse të shëndetit dhe sigurisë.