Dhjetëra mijëra punëtorë, nxënës dhe studentë, përmes sindikatave dhe shoqatave të tyre, kërkuan me këmbëngulje që krimi hekurudhor në Tempi të mos mbulohet. Me pankartat dhe parullat e tyre ata treguan fajtorët: fitimin kapitalist, qeverisjen aktuale të ND-së dhe ato të mëparshme të SYRIZA-s dhe PASOK-ut, të cilët, duke ndjekur politikën e BE-së, krijuan kushtet dhe mangësitë kriminale që çuan në tragjedinë hekurudhore.
Sekretari i Përgjithshëm i KQ të Partisë Komuniste të Greqisë (KKE), Dhimitri Kucubas, duke marrë pjesë në tubimin e grevës në qytetin e Kavallës, deklaroi për mediat:
“Sot, në shekullin e 21-të, modernizimi i kërkuar për të cilin po lufton populli grek, rinia dhe lëvizja e tyre, është përmbushja e të gjitha nevojave shoqërore bashkëkohore popullore. Dhe jo modernizimi i “esnafit” të kompanive private, investitorëve, kontraktorëve të mëdhenj, fitimit dhe kusarllekut, remulës, që i shërbejnë si qeveria aktuale ashtu dhe të gjitha qeveritë e mëparshme po ashtu, duke e drejtuar popullin grek në shinat e përgjakshme.
Forca të mbarë për të gjitha dhe të gjithë. Protestat militante sot, protestat e grevës janë të mëdha në të gjithë Greqinë. Popull i fortë, lëvizje e fortë punëtore - popullore, KKE të fortë!”.
17.03.2023
