Grupi Europarlamentar i PK të Greqisë (KKE) denoncon vendimin e papranueshëm të gjykatës së BE-së, i cili "legalizon" përjashtimin nga puna të grave shtatzane

shk 26, 2018

Vendimi i papranueshëm i Gjykatës së Bashkimit Europian më 22 Shkurt ka hapur rrugën që bizneset tashmë të përjashtojnë nga puna në mënyrë të “ligjshme” edhe ato gra punëtore që janë shtatzane, duke vërtetur kështu fytyrën agresive të politikës antipunëtore të BE-së dhe hipokrizinë e kësaj aleance ujqërish me emrin BE e cila paraqitet si gjoja mbrojtësja e të drejtave sociale, e amësisë dhe e shtresave të dobëta të shoqërisë.

Duke iu përgjigjur pyetjes së gjykatës Spanjolle, Gjykata e BE-së e konsideron "të ligjshme" përjashtimin nga puna të një shtatzaneje në një kompani spanjolle në vitin 2013, në kuadrin e përjashtimeve kolektive të punëtorëve që bërën aty pronarët e kompanisë. Njëkohësisht, me këtë ide provokuese të lejimit të përjashtimit nga puna të një punëtoreje shtatzanë, vetëm se mos të duket shtatzënia si arsye e përjashtimi nga puna, Gjykata e BE-së hap rrugën për rritjen e përgjithshme të përjashtimeve të grave shtatzane, gjë që pronarët e mëdhenj e kanë zbatuar dhe vazhdojnë ta zbatojnë.

Partia Komuniste e Greqisë (KKE); Po hiqet akoma dhe e drejta formale, thërrimja e fundit e mbrojtjes së amësisë

Ky vendim i papranueshëm i Gjykatës së BE-së ka ndezur reagimin e menjëhershëm të Grupit Europarlamentar të PK të Greqisë (KKE). Me Pyetje të tij ndaj Komisionit Europian, Eurodeputeti i PK të Greqisë (KKE) Sotiris Zarianopulos denoncon vendimin e Gjykatës së Bashkimit Europian i cili lejon përjashtimin nga puna të grave shtatzane në kuadrin e përjashtimeve kolektive, duke përdorur legjislacionin antipunëtor të BE-së dhe të qeverive të saj.

Në Pyetjen e eurodeputetit të PK të Greqisë (KKE) theksohet se:

"Gjykata Europiane me vendim të saj i jep "lirinë" kompanive të përjashtojnë nga puna edhe gratë shtatzane, në kuadrin e shkurtimeve kolektive.

Ky është një vendim tjetër provokues i Gjykatës dhe i institucioneve të Bashkimit Europian që tejkalon çdo kufi të barbarisë sociale.

Arsyeja kryesore e të ashtuquajturës ristrukturim të stafit/personelit në biznese bëhet për të arritur fitime sa më të shumta me shkurtime pagash, me përkeqësim të marrëdhënieve të punës dhe përjashtime të punëtorëve nga puna.

Gjithashtu është provokues ai “sqarim” që na jepni se lejohet përjashtimi i një shtatzaneje vetëm me kusht që arsyeja e përjashtimit të mos jetë vetë shtatzania, kur dihet se shtatzania dhe amësia përbëjnë shkak për përjashtim nga puna. Dihet se shtatzania konsiderohen si "shpenzim i paarsyeshëm" për biznesin dhe tashmë çojnë në mijëra përjashtime të nënave dhe grave shtatzane, dhe me këtë vendimin tuaj do të ritën edhe më shumë. Ky vendim e heq edhe mënyrën formale që kishte mbrojtja e amësisë.

Vendime-barbare si këto mbështeten në bazën e legjislacionit antipunëtor të qeverive shtete-anëtare dhe të institucioneve të BE-së (të tilla si Komisioni Europian, Parlamenti Europian) që i shërbejnë interesave të kapitalit.

Pyetet Komisioni: Çfarë qëndrimi mban ndaj këtij vendimi të papranueshëm të mësipërm të Gjykatës Europiane i cili përbën një memorandum barbar antipunëtor, duke vërtetuar se kjo përbën një karakteristikë themelore për Bashkimit Europian?"

26.02.2018