Bllokadat e fermerëve të varfër po shumohen në të gjithë Greqinë. Fermerët e Thesalisë po japin tonin me 3 bllokada masive në qytetet Larisa, Kardhica, Trikala, ku, në secilën prej të tyre ka mijëra traktorë. Mobilizimi i fermerëve po përhapet në të gjithë Greqinë, duke arritur në doganat me vendet fqinje, Bullgarinë dhe Turqinë. Qeveria nuk ishte në gjendje t'i shtypte mobilizimet e fermerëve të varfër që në fillimin e tyre me represionin që ajo ushtroi dhe tani po rekruton të ashtuquajturin "automatizim shoqëror", domethënë, synon të kthejë kundër fermerëve që militojnë shtresa të tjera punëtore – popullore.
Në njoftimin e saj, Partia Komuniste e Greqisë (KKE), pasi përshëndeti luftërat e fermerëve dhe dënoi përpjekjen për shtypjen e luftës së tyre, thekson pse interesat e punëtorëve janë me fermerët që luftojnë. Njoftimi është si më poshtë:
«Partia Komuniste e Greqisë (KKE) përshëndet kryengritjen masive të fermerëve të varfër në zonën e Thesalisë dhe rajone të tjera të Greqisë, diçka që vërteton se “nuk ka më ku të shkojë kjo situatë”, për shkak të politikës që po i zhduk ata, kostos së papërballueshme të prodhimit, mungesës së mbrojtjes nga fatkeqësitë natyrore dhe sëmundjet e bagëtive, përpjekjes për t'i ngarkuar ata me pasojat e skandaleve që po nxit Politika e Përbashkët Agrare e BE-së dhe që përfshijnë qeveritë dhe njerëzit e tyre.
Mobilizimet e sotme janë gjithashtu një përgjigje ndaj premtimeve të qeverisë, gjoja “për të mbështetur të ardhurat bujqësore”, të cilat nuk bindin askënd. Qeveria ka përdorur represion me kimikate (bomba lotsjellëse etj.) dhe polici speciale kundër mobilizimeve si dhe arrestime për t'u përballur me fermerët, të cilëve qeveria u detyrohen atyre shpërblime në para. Megjithatë, edhe kjo shkojë huq për shkak të masivitetit, vendosmërisë dhe mosbindjes së organizuar të fermerëve të varfër.
Lufta e fermerëve është e drejtë, ajo ka lidhje me gjithë popullin që paguan shtrenjtë për artikujt ushqimorë, pasi midis prodhimit të fermerit të varfër dhe familjeve popullore ekziston një mekanizëm i tërë tregtarësh të mëdhenj, industrialistësh, vetë shteti me taksime që u imponon atyre dhe që i udhëzon fermerët të shesin lirë, ndërsa familjet popullore të blejnë shtrenjtë. Kjo është arsyeja pse lufta e fermerëve duhet të gjejë mbështetje nga lëvizja punëtore - popullore kundër përpjekjeve të përçarjes, automatizimit shoqëror dhe shtypjes që qeveria dhe mekanizmat e saj do të përpiqen të bëjnë.
Kërkojmë me këmbëngulje që të gjithë të arrestuarit të lirohen dhe forcat policore të tërhiqen.»