Kongresi i 22-të i Partisë Komuniste të Greqisë:Uniteti ideologjik-politik i KKE është farkëtuar

Pas aktivitetit hapës të Kongresit të 22-të të KKE, i cili u zhvillua të mërkurën më 28/1 në Stadiumin Olimpik të qytetit Galaci, ditën e enjte, më 29/1, punimet e Kongresit vazhduan në selinë e KQ të Partisë, në qytetin Perissos, me prezantimin e raportit të KQ para delegatëve nga Dhimitri Kucuba. Në prezantimin e raportit morën pjesë edhe dhjetëra veteranë të Partisë, të cilët ishin të pranishëm në fillim të punimeve në sallën e konferencave, dhe më pas u larguan.

Në fjalën e tij hyrëse, Dh. Kucuba theksoi, ndër të tjera:

«Çdo Kongres shqyrton aktivitetin e Partisë që nga Kongresi i mëparshëm, ai përmbledh konkluzione të dobishme për veprim në periudhën e ardhshme të caktuar, të përqendruara në Programin e vendosur. (…) Në Kongresin e 22-të theksojmë veçanërisht PARTINË, sigurisht nga perspektiva e zhvillimeve dhe parashikimeve për zhvillimet e ardhshme, me karakteristikën kryesore që PARTIA -pra lëvizja punëtore dhe aleanca e saj shoqërore- do të bëhen faktorë më vendimtarë në drejtim të përmbysjes revolucionare. Prandaj, përmirësimi i ndërhyrjes sonë duhet të shprehet në të gjitha aspektet: Organizimi - aktiviteti ideologjik-politik dhe në lëvizje, i përqendruar në qëllimin strategjik. Bazuar në këtë, u përcaktua slogani qendror i Kongresit tonë: «KKE e fortë, e palëkundur në çdo provë, e gatitur për thirrjen e Historisë, për Socializëm!» Slogani i Kongresit të 22-të përmbledh domosdoshmërinë për të punuar si Parti, në një unitet të pathyeshëm në lidhje me gatishmërinë tonë strategjike programatike dhe veprimin aktual organizativ politik.»

Në një pikë tjetër të prezantimit të tij, Sekretari i Përgjithshëm i KQ iu referua diskutimit brenda-partiak të Tezave të KQ të KKE për Kongresin e 22-të, i cili përfshin vlerësimet e udhëheqjes së deritanishme Partisë mbi zhvillimet ndërkombëtare dhe të brendshme, situatën në lëvizjen komuniste ndërkombëtare, raportin e aktivitetit të Partisë që nga Kongresi i mëparshëm dhe detyrat që ka KKE deri në Kongresin e 23-të të ardhshëm të Partisë.

Dh. Kucubas vuri në dukje se Tezat e KQ kishin të bënin me të gjitha Organizatat Bazë të KKE në vend, të cilat i diskutuan dhe i miratuan ato në dy Asambletë e tyre të Përgjithshme. Tezat e KQ u miratuan nga shumica dërrmuese e mijëra anëtarëve të partisë. Duhet theksuar këtu se KKE, për arsye mbrojtjeje dhe pasi kaloi një pjesë të madhe të kursit të saj historik në ilegalitet dhe me persekutime të ashpra nga shteti borgjez, nuk ka shpallur kurrë publikisht të dhëna mbi numrin e anëtarëve të partisë së saj. Vetëm 8 anëtarë të partisë votuan kundër tezave dhe 28 anëtarë votuan fletë të bardhë nga shumë mijëra anëtarë.

Për më tepër, Tezat e KQ u diskutuan si në Konferencat e Organizatave Sektoriale ashtu edhe në Konferencat e Organizatave Rajonale të Partisë. Si në Konferencat Sektoriale ashtu edhe në ato të Rajoneve, Qëndrimet u votuan unanimisht nga përfaqësuesit e zgjedhur.

Në organet udhëheqëse të KNE, ashtu dhe në Organizatat Bazë të saj, pati gjithashtu një diskutim dhe drejtuesit dhe anëtarët e Rinisë së KKE shprehën një qëndrim pozitiv mbi Tezat.

Punimet e Kongresit vazhdojnë me fjalimet e përfaqësuesve në Kongres dhe do të pasohen nga diskutimi dhe votimi i Vendimit të Kongresit të 22-të, i cili do të përfundojë të shtunën, më 31 janar, me zgjedhjen e anëtarëve të rinj të Komitetit Qendror dhe Komitetit Qendror të Kontrollit Financiar të KKE.