Të dielën, më 30 nëntor, fermerët grekë filluan bllokimin e autostradave qendrore me traktorë dhe makineri të tjera bujqësore. Qeveria përdori represionin me lëndë kimike, policinë speciale dhe arrestime për t'u përballur me fermerët, por përpjekja e saj dështoi për shkak të masivitetit, vendosmërisë dhe mos-disiplinës së organizuar të fermerëve të varfër.

Fermerët po luftojnë për të ardhmen e tyre, për të parandaluar shfarosjen e tyre përfundimtare. Ata po luftojnë për të fituar një jetesë më të mirë nga puna e tyre në fshatrat ku jetojnë.

Ata kërkojnë mbështetje për të ardhurat e tyre, të cilat po tkurren për shkak të politikës së zbatuar nga qeveritë që ndër vite i shërbejnë interesave të grupeve të biznesit dhe duke zbatuar udhëzimet e Politikës së Përbashkët Agrare të BE-së.

Këto politika, për t'i shërbyer interesave të një grushti shfrytëzuesish të djersës së tyre, kanë rritur ndjeshëm kostot e prodhimit, duke i lënë fermerët të pambrojtur në mëshirën e motit dhe sëmundjeve të ndryshme, pa u kompensuar atyre plotësisht për fatkeqësitë në prodhime, duke i mbajtur çmimet e produkteve të tyre të ulëta, duke i privuar ata nga një jetë e mirë dhe duke i çuar në varfëri dhe mjerim.

Në protestat e fermerëve përfshihen edhe blegtorët, të cilët po pësojnë humbje të mëdha nga epidemia e lisë së deleve dhe dhive dhe janë në një situatë të mjerueshme për shkak të politikave kriminale të shtetit borgjez, i cili, duke zbatuar dispozitat e Politikës së Përbashkët Agrare të BE-së, po vret delet dhe dhitë e infektuara. Mbi 400.000 dele dhe dhi janë vrarë tashmë. Për më tepër, shteti refuzon të vaksinojë kafshët jo për arsye shkencore, por për interesat e një grushti monopolesh që eksportojnë djathin e njohur grek Feta, pasi fitimet e këtyre monopoleve mund të ndikoheshin ndjeshëm nga kufizimet e mundshme në eksportet e djathit Feta të vendosura nga shtetet e tjera për shkak të vaksinimit.

Partia Komuniste e Greqisë (KKE), si dhe shumë sindikata punëtore, mbështesin luftën e drejtë të fermerëve dhe blegtorëve.

01.12.2025